Á hverju voru set ég sjálfa mig í próf, prófið er tímataka í göngu upp að “Steini” undir Þverfellshorni í Esju. Ég hef sett mér að vera undir 50 mín að ganga þetta til að mega fara með í vorgöngu TKS. Þar sem ég hef valið mér félaga sem eru fjallbrattir og flestir í toppformi hef ég enga löngun til að vera dragbítur í göngu með þeim. Því rembist ég eins og rjúpan við staurinn að haf við þeim. Einhverra hluta vegna var ég farin að óttast að þetta árið yrði ég að slaka á kröfunum til að leyfa sjálfri mér að vera með, ég var bara ekki of viss um að standa undir eigin kröfum.
Þessi ótti reyndist ástæðulaus. Ég tók prófið í kvöld og var 48mín, held bara að það sé persónulegt met.
Reyndar svindlaði ég smá. Ég ákvað að vera létt á mér og fara frekar á hlaupaskóm en gönguskóm. Þar sem allt var þurrt og færið gott var það skynsamleg ákvörðun.
Nú eru bara rétt rúmar 2 vikur í Sveinstind og tilhökkunin eykst. Það er frábært að hafa svona takmark sem heldur manni við efnið í æfingum. Svo er ekki leiðinlegt að ganga með félögum sínum kvöldgöngu í góðu veðri.
Og þá er bara að vona að helgarveðrið verði gönguvænt.
Pingback: Litið um öxl | Efst í huga